Shymkentte zańsyz oıyn bıznesin uıymdastyrǵan turǵyndar sottaldy
Bul týraly QazAqparat QR Qarjylyq monıtorıng agenttiginiń baspasóz qyzmetine silteme jasap habarlaıdy.
Baspasóz qyzmetiniń málimetterine qaraǵanda, jalpyrespýblıkalyq «Stop-oıyn» jedel is-sharasy barysynda, «Kolos» móltek aýdany men «Kóktem» bazary aýmaqtarynda zańsyz oıynhanalardy uıymdastyrý deregimen aınalysqan eki azamattyń zańsyz is-áreketteri áshkerelendi.
Sot úkimimen, kórsetilgen uıymdastyrýshylar QR QK 307 baby 1-b. (zańsyz oıyn bıznesin uıymdastyrý) kózdelgen qylmystyq quqyqbuzýshylyq jasaǵany úshin kináli dep tanylyp, 1000 AEK (2 778 000 teńge) aıyppul jazasy taǵaıyndaldy.
Tárkilenip alynǵan aıǵaqty zattar (2 televızor, 9 júıeli blok, 9 monıtor, 3 oıyn apparaty jáne basqa da qurylǵylar) memleket paıdasyna óndirildi.
Qarjylyq monıtorıng Agenttigi zańsyz oıyn bıznesin belgilengen jerlerden basqa aımaqtarda uıymdastyrǵany úshin qylmystyq jaýapkershilik kózdelgenin qatań eskertedi.