Shymkentte zańsyz mıssıonerlikpen aınalysqan adam jaýapkershilikke tartyldy

ShYMKENT. QazAqparat – Shymkent qalasynda zańsyz mıssıonerlikpen aınalysqan adam jaýapkershilikke tartyldy, dep habarlaıdy QazAqparat qalalyq polıtsııa departamentiniń baspasóz qyzmetine silteme jasap.

«Internet jáne áleýmettik jelige montorıng júrgizý barysynda YouTube beıne hostınginde jergilikti turǵyn teris dinı aǵymdy nasıhattaıtyn beınerolık jarııalap, Telegram messendjerinde qurǵan top músheleriniń arasynda nasıhattaý jumysyn júrgizgen», delingen habarlamada.

Atalǵan jaıt boıynsha polıtsııa qyzmetkerleri QR ÁQBtK-niń 490-baby 3-tarmaǵymen (mıssıonerlik qyzmetti tirkeýsiz júzege asyrý) ákimshilik is-qujat jınaqtap, sotqa joldady.

Shymkent qalasy Ákimshilik soty atalǵan azamattyń zańsyz is-áreketine qatysty ákimshilik shara retinde 100 AEK kóleminde aıyppul saldy.