Shymkentte zańsyz ınternet-kazıno uıymdastyrǵan adam ustaldy
Atalǵan Komıtet Shymkent qalasy boıynsha Ekonomıkalyq tergeý departamenti «Favorıt» býkmekerlik keńsesiniń burynǵy ákimshisi ıÝ.Stebýnovqa qatysty sotqa deıingi tergeýdi aıaqtady.
«ıÝ.Stebýnov «Býkmekerskaıa kontora «Favorıt» JShS-niń ákimshisi qyzmetinde «Fin Bet» saýda markasyn qoldana otyra, seriktestikpen buryn jalǵa alynǵan úı-jaılarǵa qoljetimdilikti paıdalanyp, býkmekerlik qyzmetterdi usynýmen qatar zańsyz elektrondy kazıno uıymdastyrdy.Sonymen qosa, ol oıynshylarǵa «FLG» baǵdarlamalyq qosymshasyn qoldana otyryp, onlaın rejımde ǵalamtor arqyly utysty qamtamasyz etetin apparattyq-baǵdarlamalyq keshen kómegimen qoldan jasalǵan jáne anımatsııalyq oıyndarǵa qoljetimdilikti qamtamasyz etken», - delingen habarlamada.
Shymkent qalasy Abaı aýdandyq sotynyń úkimimen ıÝ.Stebýnov QR QK 307-baby 1-bóligine sáıkes ( zańsyz oıyn bıznesin uıymdastyrý ) kináli dep tanyldy. Atalǵan qylmystyq áreketke 300 AEK (757 500 teńge) kóleminde aıyppul tóleý jazasy qarastyrylǵan.
Tergeý amaldary barysynda zattaı aıǵaqtar – 108 dana monıtor jáne protsessor, flesh-kartalar, modemder, sondaı-aq, 586 600 teńge aqsha qarajaty tárkilendi.