Shymkentte zamanaýı oqýshylar saraıy salynyp jatyr

ShYMKENT. QazAqparat - Shymkenttegi «Nursát» yqshamaýdanynda zamanaýı oqýshylar saraıy salynyp jatyr. Jańa nysan 7-18 jas aralyǵyndaǵy 500 oqýshyǵa shaqtalǵan, dep habarlaıdy QazAqparat qalalyq ákimdikke silteme jasap.

«Bul joba oqýshylardy sabaqtan tys ýaqytta ártúrli úıirmelerge qatystyrýdy, balanyń sporttyq, ǵylymı, mádenı áleýetin damytýdy kózdeıdi. Úsh qabatty ǵımarat 3 iri bloktan turady. Onda oqý zaldary, akt zaly, 35 adamdyq ashana bar. Sonymen qatar, 81 oryndyq kólik turaǵy da qarastyrylǵan», - dep jazdy vedomstvodan.

Qazir 42 paıyz qurylysy aıaqtalǵan nysan keler jyly paıdalanýǵa berilmek.

Aıta keteıik, buǵan deıin Shymkentte TMD-da balamasy joq elektromobıl qurastyrylyp jatqanyn habarlaǵan bolatynbyz. Nursultan, Abylaı, Dáýren esimdi 3 jigit «Beren motors» atty shaǵyn kásiporyn ashyp, eski kólikterden elektromobıl jasaýda.