Shymkentte volonterler jalǵyzbasty qarııalarǵa azyq-túlik sebetin taratty

ShYMKENT. QazAqparat – Shymkent volonterleri tótenshe jaǵdaıda turǵyndarǵa erekshe kómek kórsetti. Volonterler syrtqa shyǵa almaıtyn jalǵyzbasty qarııalarǵa 50 azyq-túlik sebetin taratty, dep habarlaıdy QazAqparat tilshisi.

Eriktiler «Janǵa jylý» qaıyrymdylyq aktsııasy aıasynda turmysqa qajetti azyq-túlik ónimderin qarııalarǵa úlestirdi.

Sondaı-aq qala turǵyndary men qonaqtary jıi serýendeıtin «Arbat alańy» men «Ortalyq saıabaqta» eriktiler 1000-ǵa jýyq azamatqa koronavırýstan saqtaný erejeleri týraly aqparattyq paraqshalar taratty. Volonterler dárihanalarda suranystyń artýyna baılanysty tapshy bolyp otyrǵan 1000 dana medıtsınalyq maskany taratýdy da umytpady. Eske salaıyq, Dúnıejúzilik densaýlyq saqtaý uıymy vırýstyń taralý qaýpiniń deńgeıi óte joǵary ekenin eskertip, dabyl qaqty. Osyǵan oraı barlyq qalada qaýipsizdik erejeleri qatańdatylýda.