Shymkentte voleıboldan Joǵary lıganyń «A» tobyndaǵy erler arasynda el chempıonatynyń aqtyq týry ótedi
ALMATY. 17 sáýir. QazAqparat - Shymkentte 17-23 sáýir kúnderi voleıboldan Joǵary lıganyń "A" tobyndaǵy erler komandalary arasynda Qazaqstan chempıonatynyń 5-shi týry bolady.
Ol "Ushqyn-QazUAÝ» (Almaty) men «Pavlodar-2» (Pavlodar) áýedopshylarynyń oıynymen bastalady. Almatylyqtar buǵan deıingi 4 oıynda da 3:0, 3:1, 3:1 jáne 3:2 esebimen basym túsken bolatyn.
Alǵashqy 4 týrdyń qorytyndysy boıynsha Shymkenttiń "Dınamo-Qazyǵurt" komandasy 79 upaımen kósh bastap kele jatyr. Olar el chempıonatyndaǵy 28 kezdesýde tek bir oıynda ǵana almatylyqtarǵa 2:3 esebimen ese jibergen edi. Al almatylyqtardyń qorjynynda 69 upaı bar. Úzdik úshtikti túıindegen óskemendikter bolsa 52 upaı jınady. Odan keıingi oryndarda Pavlodardyń "Pavlodar-2" (43 upaı), Qyzyljardyń "Esil-Vıktorııa" (28 upaı), Oraldyń "Jaıyq-Kondensat" pen Semeıdiń "Semeı" (24 upaı) jáne Temirtaýdyń "VSMK ArselorMıttal" (17 upaı) komandalary kele jatyr.
Buǵan deıin 23-29 qarashada Almatyda ótken alǵashqy týrda ǵana "Ushqyn-QazUAÝ» basym túsken bolatyn. Odan keıin 19-26 jeltoqsanda Temirtaýda, 20-26 aqpanda Qyzyljarda, 16-23 naýryzda Óskemende "Dınamo-Qazyǵurt» qarsylas shaq keltirmeı, kelesi maýsymdy Ulttyq lıgada jalǵastyrýǵa birtaban jaqyndaı tústi. Almatylyqtardyń bas bapkeri OlegKýznetsovbıylǵy el chempıonatynda Dıas Alıpbaev, Anýar Bostýbaev, Rınat Satarov, Almaz Isın, Dáýren Baltabaı, Ýmıd Nabıev, Mıhaıl Perevertov, Sergeı Shındov, Alekseı Sıdorenko, Valentın Lagýtın, Ivan Penkov, Ivan Rýsapetov, ıÝrıı Senkevıch, Vıtalıı Erdshteın, Sergeı Senkevıch, Farmın Týrsýnov pen Vıktor Felgerge úmit artqan bolatyn.
