Shymkentte voleıboldan erler komandalary arasynda 4-týr oıyndary ótedi
ALMATY. 17 naýryz. QazAqparat /Erlik Erjanuly/ - Shymkent qalasynda 18-25 naýryz kúnderi voleıboldan Joǵary lıgadanyń A tobyndaǵy erler komandalary arasynda HІH Qazaqstan chempıonatynyń 4-týry bolady.
Ońtústik Qazaqstan memlekettik ýnıversıtetiniń sport zalynda ótetin bul dodaǵa 8 komanda qatysady. Qazir alǵashqy 3 týrdyń qorytyndysy boıynsha týrnır kestesiniń basyna Shymkent (54 upaı), Oral (45 upaı), Astana (39 upaı), Pavlodar ( 38 upaı) qalalarynyń komandalary ornalasqan. «Esil-Vıktorııa» (38 upaı), «TsSKA-Almaty» (16 upaı), «Atyraý-2» (14 upaı), «QazUAÝ» (8 upaı) voleıbolshylary ekinshi lekte. Buǵan deıin súreńsiz oıyndarymen este qalǵan almatylyq jáne atyraýlyq komandalardyń aldaǵy 2 týrda úzdikterdi qýyp jetýi neǵaıbyl.
