Shymkentte veb-porno-stýdııa qurǵan kúdikti 12 jylǵa sottaldy
Eske salaıyq, 2021 jyldyń shildesinde krımınaldyq polıtsııanyń jedel ýákilderi áleýmettik jelige júrgizgen monıtorıng barysynda onlaın translıatsııa jasaıtyn pornostýdııany anyqtaǵan bolatyn. Polıtseıler jarty jyl ishinde barlyq qajetti jedel-izdestirý sharalaryn júrgizdi. Nátıjesinde tergeýshiler Almaty, Astana jáne Shymkent qalalarynyń turǵyndarynyń izine tústi, onyń ishinde 5 Qyrǵyzstan jáne 5 Qazaqstan azamaty bar.
Polıtsııa departamentiniń qyzmetkerleri olardy úsh megapolıstegi jaldamaly páterlerde ustady. Tintý kezinde kúdiktilerden 44 myń AQSh dollary kóleminde aqsha jáne Almatydaǵy jyljymaıtyn múlik pen esirtki de tárkilendi. Іri qalalardaǵy jaldamaly páterlerde jabdyqtalǵan 10-nan astam veb-porno-stýdııalar bar ekeni anyqtaldy. Onda 50-ge jýyq qyz jumys istegen, onyń ishinde ekeýi kámeletke tolmaǵan.
– Atalǵan jaıt boıynsha sotqa deıingi tergeý QR QK-niń bes babyna sáıkes 9 aıdan astam ýaqyt boıy júrgizildi, onyń ishinde (Kámeletke tolmaǵandardy erotıkalyq mazmundaǵy ónimderdi daıyndaýǵa tartý), (Uıymdasqan topty qurý jáne basqarý), (Pornografııalyq materıaldardy zańsyz taratý) jáne (Kámeletke tolmaǵandardyń pornografııalyq beıneleri bar materıaldardy daıyndaý jáne olardyń aınalymy nemese pornografııalyq sıpattaǵy oıyn-saýyq is-sharalaryna qatysýy), – deıdi Shymkent qalasy PD tergeý basqarmasy bastyǵynyń orynbasary Talǵat Ábýov.
Sondaı-aq, spıker bul Qazaqstandaǵy pornostýdııany anyqtaýdyń alǵashqy jaǵdaıy ekenin atap ótti.
– Bul onlaın rejımde jumys istegen Qazaqstandaǵy pornostýdııany anyqtaýdyń alǵashqy jaǵdaıy ekenin atap ótkim keledi. Osy qylmystyq istiń biregeıligi men kúrdeliligin eskere otyryp, ol polıtsııa departamenti men prokýratýra basshylyǵynyń erekshe baqylaýynda boldy. Tergeý barysynda tergeý basqarmasynyń asa mańyzdy ister jónindegi eki tergeýshisi jumys istedi. Olar is júzinde qylmyskerlerdiń osy qylmystarǵa qatysy bar ekendigi týraly dálelder jınady. Sotqa deıingi tergeý barysynda tergeýshiler kýáger retinde 50-den astam adamnan jaýap aldy. Olar ózderiniń qylmystyq áreketterine qashyqtan aǵylshyn tilinen orys tiline aýdarmashy-operatorlardy tartqan. Óıtkeni, atalǵan veb-porno-stýdııanyń aýdıtorııasy negizinen shetel azamattary bolǵan jáne qyzmet aqysyn shetel valıýtasymen tólegen. 25 jastaǵy Qyrǵyzstan azamaty Álisher Sharshenalıev osy transulttyq qylmystyq topty uıymdastyrdy jáne basqardy. Ol uıymdasqan qylmystyq toptyń árbir múshesiniń mindetin ózi bólip bergen. Qylmystyq toptyń barlyq músheleri belgili bir tártipke saı áreket etken. Negizinen joǵary jalaqyny ýáde etip, turmysy tómen otbasynan shyqqan kelbeti súıkimdi qyzdardy jumysqa alǵan. Árbir qyz belgili bir qatań erejelerge baǵynǵan. Kez kelgen zańbuzýshylyq úshin úlken aıyppuldar tólegen. Nátıjesinde tergeý toby qylmystyq istiń 167 tomyn jınap, ár tomy 186 betten turdy. ıAǵnı, kóp tomdyq is jalpy 31 myńnan astam betti qurady. Bul osy uıymdasqan qylmystyq toptyń árbir múshesiniń róli men kinásin dáleldeý úshin tergeýshilerge zattaı dáleldemelerdi jınaý boıynsha tyńǵylyqty jáne orasan zor jumystardy atqarýǵa týra kelgenin ańǵartady, – dep túıdi sózin Talǵat Ábýov.
2022 jyldyń mamyr aıynda tergeýshiler isti aıyptaý qorytyndysymen birge sotqa jiberdi. Óz kezeginde, sot qylmystyq is materıaldaryn zerdelep, 2023 jyldyń sáýir aıynyń sońynda úkim shyǵardy: uıymdasqan qylmystyq toptyń jetekshisi Álisher Sharshenalıev qylmystyq jolmen tabylǵan múlki tárkilenip, 12 jylǵa bas bostandyǵynan aıyryldy jáne onyń qylmystyq tobynyń músheleri 3 jyldan 7 jylǵa deıin bas bostandyǵynan aıyryldy.