Shymkentte vandaldar qıratqan soǵys ardagerleriniń eskertkishi kóshiriletin boldy
ShYMKENT. QazAqparat - Shymkentte vandaldar qıratqan soǵys ardagerleriniń eskertkishi kóshiriletin boldy. Mundaı sheshimdi qala ákimdigi qabyldaǵan, dep habarlaıdy QazAqparat tilshisi.
Qala ákiminiń orynbasary Beısenbek Janbosynovtyń sózinshe, qorǵasyn zaýyty aýmaǵyndaǵy eskertkish qaladaǵy №5-shi mekteptiń aldyna kóshiriledi. Qazir oǵan arnaıy joba da jasalyp qoıylǵan. Eskertkish taqtada maıdan dalasyna ketip, qaıtyp oralmaǵan qorǵasyn zaýytynyń burynǵy jumysshylarynyń esimderi jazylatyn bolady. 
Eske salaıyq, buǵan deıin Jeńis kúni qarsańynda vandaldar qorǵasyn zaýyty aýmaǵyndaǵy maıdangerlerdiń esimderi jazylǵan memorıaldy qıratyp ketken bolatyn. Keıinnen polıtseıler atalǵan jaıt boıynsha qylmystyq is qozǵap, buzaqylardy izdestirip jatqanyn aıtqan edi.
