Shymkentte vagonnyń astyna qulaǵan temirjol qyzmetkeri bir aıaǵynan aıyryldy
ShYMKENT. QazAqparat - Shymkentte vagonnyń astyna qulap ketken temir jol qyzmetkeri bir aıaǵynan aıyryldy. Aýyr jaraqat alǵan Qazyǵurt stansasynyń jumysshysy ekeni anyqtaldy, dep habarlaıdy QazAqparat tilshisi.
Keleńsiz jaǵdaı 9 jeltoqsan kúni keshki saǵat 5-00-der shamasynda bolǵan. Vagondardy tirkeý jáne ajyratý kezinde 25 jastaǵy jigit qulap ketip, sol aıaǵyn vagon basyp ketken. Aýyr jaraqat alǵan jumysshy qalalyq jedel járdem aýrýhanasyna jetkizildi.
Dárigerlerdiń sózinshe, onyń jaraqat alǵan aıaǵyn kesip tastaýǵa týra kelipti. Qazirgi tańda jumysshy esin jıyp, em qabyldaýda. Alaıda jaǵdaıy aýyr, biraq turaqty. Іshki ister jelilik polıtsııa qyzmetkerleriniń málimetinshe, osy oqıǵa boıynsha qylmystyq is qozǵalyp, oqıǵanyń mán-jaıy anyqtalýda. Jigittiń qandaı jaǵdaıda qulap ketkeni, oǵan kimniń kináli ekeni qosymsha tekseriletin bolady.
