Shymkentte úzdik memlekettik qyzmetshiler anyqtaldy

ShYMKENT. QazAqparat - Shymkentte memlekettik qyzmetshiler arasynda úzdikterdi anyqtaýǵa baǵyttalǵan baıqaý ótti. Іrikteýge qaladaǵy 30-dan astam memlekettik qyzmetshi nıet bildirip, strategııalyq jáne baǵdarlamalyq qujattar boıynsha test tapsyrdy, dep habarlaıdy QazAqparat tilshisi.

Memlekettik qyzmettiń ımıdjin kóterý men memlekettik basqarýdyń ozyq tájirıbelerin keńinen nasıhattaý maqsatynda uıymdastyrylǵan baıqaýda qatysýshylar úzdik kásibı bilimi men daǵdylaryn baıqatty. Arnaıy test qorytyndysymen ekinshi kezeńge jiberilgen 6 memlekettik qyzmetshi óz jobasyn tanystyryp, atalǵan jobalardyń elimizdiń áleýmettik-ekonomıkalyq damýyna tıimdiligin jetkizdi.

Іrikteý barysynda komıssııa músheleri úmitkerlerdiń jeke málimetterin, jarııalymdary men marapattaryn, ǵylymı ataǵy men dárejesin, sporttyq jáne qoǵamdyq qyzmetin nazarǵa aldy. Jobada kórsetilgen máseleniń ózektiligi men máseleni sheshýdegi shyǵarmashylyq tásili, úmitkermen máseleniń mánin bilý jáne ony zertteý deńgeıi, júzege asyrýdan kútiletin ekonomıkalyq tıimdiligi boıynsha baǵa berdi.

Baıqaý qorytyndysymen qalalyq Sottar ákimshisiniń basshysy Nursultan Baıtilesov «Qazaqstan Respýblıkasynyń úzdik memlekettik qyzmetshisi» respýblıkalyq konkýrsyna joldama alyp, Shymkent qalasynyń namysyn qorǵaýǵa múmkindik aldy.