Shymkentte «úılerin sý basqan» turǵyndar qaýipsiz jerge kóshirildi
ShYMKENT. QazAqparat - Shymkentte "úılerin sý basqan" turǵyndar qaýipsiz jerge kóshirildi. Kóshege jaıylǵan sý arnaıy tehnıkanyń kómegimen soryp alyndy.
Bul sharalar «Kóktem-2017» respýblıkalyq komandalyq- shtabtyq oqý jattyǵýynyń aıasynda júrgizildi. Ońtústiktiń qutqarýshylary osylaısha kóktemgi tasqynnyń aldyn alý barysynda daıyndyǵyn pysyqtady, dep xabarlaıdy QazAqparat tilshisi.
Komandalyq -shtabtyq oqý jattyǵýynyń stsenarııi boıynsha qaladaǵy shaǵynaýdannyń úsh kóshesi sý astynda qaldy. Oıda-joqta kelgen sarqyndy sý osyndaǵy turǵyn úılerdi shaıyp ketken. Tasqyn aýlalar men baspanalardyń ishine deıin kirgen. Abyroı bolǵanda, adam shyǵyny joq. Der kezinde iske kirisken qutqarýshylar turǵyndardyń barlyǵyn qaýipsiz jerge kóshirdi. Kógildir otyn men elektr baǵanalary ajyratyldy. Oqıǵa ornynda mamandar jumys istedi.
Aıta keteıik, «Kóktem-2017» respýblıkalyq komandalyq- shtabtyq oqý -jattyǵýyna jergilikti basqarý organdary, aýdan jáne qalalardyń tótenshe jaǵdaılar jónindegi jáne kóshirý komıssııalary, ishki ister mınıstrliginiń qurylymdary bas qatysty. Jattyǵý barysynda tótenshe jaǵdaılar qyzmetkerleri kóktem mezgilinde bolatyn túrli qaýipti tasqyndarǵa daıyndyǵyn tekserip kórdi. Ásirese, kún kúrt jylynǵan sátte qys boıy toń bolyp jatqan muz erip, aınalaǵa jaıylýy ábden múmkin. Sebebi, bıyl ońtústik óńirinde de qys qatty bolyp, qar jyldaǵydan eki jarym ese kóp jaýǵan.
«Syrdarııa,sondaı-aq ózge de ózender barshylyq, Shardara jáne Kóksaraı sý qoımalarynan bıyl sý mol kelip jatyr. Biraq, qazir biz osy jaǵdaıdyń baryǵyn óz baqylaýymyzda ustap otyrmyz. Sol Syrdarııa ózeni boıyndaǵy eldi mekenderge daıyndyq jumystary júrgizilip jatyr»,-dedi oblystyq TJD bólim basshysy Nurjan Ásibekov.
Shara barysynda mamandar oqys jaǵdaıdyń aldyn alý úshin qoldan kelgen áreketti jasaýǵa daıyn ekenin baıqatty. Qalaı bolǵanda da óńirdiń tótenshe jaǵdaılar qyzmeti sý shaıyp ketý qaýpi bar jerlerdi anyqtap, tasqynnyń aldyn alýǵa kirisýde.
