Shymkentte úılený toıy kezinde 2 avtomat tárkilendi
«Uıymdasqan qylmysqa qarsy kúres basqarmasynyń qyzmetkerleri Shymkentte ótken úılený toıynda eki avtomat qarýyn tárkiledi. Jedel qyzmetkerler úılený toılarynyń birinde qalyńdyqty shyǵaryp salý rásiminen keıingi otshashý kezinde atys qarýy qoldanylatyny týraly aqparat alady. Bul jerge kórermender jáne jaı júrgen adamdar retinde jedel qyzmetkerler toby jiberiledi. Jedel aqparat durys bolyp shyqty. Túngi saǵat 12-de úılerdiń biriniń janynda aýaǵa oq atý kezinde polıtseıler qalanyń 2 turǵynyn avtomat qarýymen ustady», - dedi Shuǵyla Turlybek vedomstvonyń baspasóz alańynda ótken brıfıngide.
ІІM ókiliniń dereginshe, olardan nómiri óshirilgen AKSÝ-47 jaýyngerlik avtomaty jáne AK-74 avtomat tárkiledi. Oqıǵa bolǵan jerdi qaraý kezinde krımınalıster jıyrmaǵa jýyq atylǵan oqtyń gılzasyn taýyp aldy.
«Qarýdy zańsyz saqtaǵany úshin sotqa deıingi tergeý bastaldy. Tıisti saraptamalar taǵaıyndaldy. Qajetti tergeý áreketteri júrgizilýde. Osyǵan oraı, bultartpaý sharasyn taǵaıyndaý týraly sheshim qabyldandy», - dedi ol.