Shymkentte uıqydan oıanbaı qalǵan búldirshin isimen polıtsııa aınalysýda
ShYMKENT. QazAqparat - Shymkenttegi balabaqshada búldirshinniń qaıtys bolý sebebin polıtsııa qyzmetkerleri anyqtaýǵa kiristi. Bul týraly oblystyq ІІD-niń baspasóz qyzmetiniń jetekshisi Saltanat Qarakózova málimdedi. Onyń sózine qaraǵanda, qazir bul oqıǵa boıynsha Ál-Farabı aýdandyq polıtsııa bólimi tıisti tekserý sharalaryn júrgizýde, dep habarlaıdy QazAqparat HAA tilshisi.
«Atalǵan oqıǵa boıynsha birneshe sot-medıtsınalyq saraptama taǵaıyndaldy. Sol saraptamalardyń qorytyndysy boıynsha protsessýaldyq sheshim qabyldanady. Balanyń ne sebepti qaıtys bolǵany da sodan soń belgili bolady», - deıdi Saltanat Qarakózova.
Eske salaıyq, ótken aptada Shymkenttegi «Malenkıı prınts» jekemenshik baqshasynda Meıirlan esimdi búldirshin qaıtys bolǵan edi. Mektepke deıingi mekeme qyzmetkerleriniń sózinshe 2 jas 8 aılyq er bala tús kezinde tósegine jatyp uıyqtap, sodan oıanbaǵan. Qaıǵyly jaǵdaı oryn alǵan soń balabaqsha qyzmetkerleri oqıǵa ornynan jedel járdem qyzmeti men polıtseılerdi, balanyń ata-anasyn shaqyrtqan edi. Olar máıitti alyp ketip, jer qoınyna tapsyrdy.
