Shymkentte úıiniń aýlasynda geroın satqan turǵyn ustaldy
Baspasóz qyzmetiniń málimetinshe, esirtki satýshy qala mańyndaǵy eldimekenderdiń birinde qolǵa túsken. Esirtki saýdageriniń izine túsken tártip saqshylary onyń úıindegi jasyryn oryndardy tintý kezinde mólsheri boıynsha ólshep, oralǵan jáne satýǵa daıyn jalpy salmaǵy 100 gramnan asatyn geroın tárkiledi. Osy jerde elektrondyq tarazy da tabyldy.
«Kúdikti ýaqytsha ustaý ızolıatoryna qamalǵan. Atalǵan jaıt QR QK-niń 297-baby 3-bóligi «Asa iri mólsherdegi esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý» boıynsha sotqa deıingi tergep-tekserý amaldary júrgizilýde. Bul bap boıynsha kúdiktiniń múlki tárkilenip, 10 jyldan 15 jylǵa deıingi merzimge bas bostandyǵynan aıyrýdy kózdeıdi», delingen habarlamada.