Shymkentte úıinen ketip qalǵan jasóspirim qyz tabyldy

ShYMKENT. QazAqparat - Shymkenttik polıtseıler joǵalǵan jasóspirimdi taýyp, ata-anasyna tapsyrdy, dep habarlaıdy QazAqparat.

Shymkent qalasy polıtsııa departamenti jedel basqarý ortalyǵynyń «102» arnasy arqyly jergilikti turǵyn habarlasyp, kámelet jasyna tolmaǵan qyzy úıinen shyǵyp, qaıta oralmaǵany jóninde aryzdanǵan.

Abaı aýdany polıtsııa basqarmasynyń qyzmetkerleri jedel-izdestirý is-sharasyn júrgizý barysynda joǵalǵan jasóspirimdi taýyp, ata-anasyna aman-esen tapsyrdy.

Tártip saqshylarynyń jedel qyzmetine rıza bolǵan qyzdyń anasy alǵysyn bildirip, polıtseılerdiń jumysyna sáttilik tiledi.
Óz kezeginde tártip saqshylary qala turǵyndaryn balalaryna bas-kóz bolýǵa shaqyrady.