Shymkentte uıaly telefondarǵa ekstremıstik ýaǵyzdar jazyp satqan qylmystyq top ustaldy

ShYMKENT. QazAqparat - Shymkenttiń ortalyǵynda arnaıy jasaq qyzmetkerleri destrýktıvti dinı aǵymdarynyń ustanýshylarynan quralǵan qylmystyq topty ustaǵan. Bul týraly oblystyq ІІD baspasóz qyzmeti málimdedi, dep habarlaıdy QazAqparat HAA tilshisi.

Polıtseılerdiń aqparatyna sáıkes, búgin tańerteń «Garant» dúkenderi aýmaǵynda OQO ІІD jáne OQO UQK qyzmetkerleri birlese otyryp, destrýktıvti dinı aǵymdarynyń ustanýshylarynan quralǵan qylmystyq topty quryqtaý boıynsha arnaıy is-sharasyn ótkizgen. Tergeýdiń nusqalary boıynsha bul top músheleri urlanǵan telefondardy alyp satýmen aınalysqan. Olar mobıldi qurylǵylardyń ıdentıfıkatsııalyq kodyn ózgertip kelipti. Sondaı-aq uıaly telefondarǵa ekstremıstik sıpattaǵy aqparattardy jazyp, satyp otyrǵan. Qazir ustalǵandar ýaqytsha tergeý abaqtysyna qamalyp, sotqa deıingi tergeý amaldary júrgizilýde.