Shymkentte úı tonamaq bolǵan qaraqshy úsh adamdy pyshaqtap ketti
Shymkentte jeke úıge qaraqshylyq shabýyl jasaǵan kúdikti úsh adamdy pyshaqtap ketti. Oqys oqıǵa Samal-2 shaǵynaýdanynda bolǵan.
Kúndizgi saǵat 10 shamasynda betin tumshalap alǵan belgisiz bireý jeke baspananyń aýlasyndaǵy shaǵyn úıden shyǵyp, úlken úıge kiredi. Bul kadrlardyń barlyǵy aýladaǵy beıne-baqylaý kameralaryna jazylyp qalǵan. Bul kezde úıde 42 jastaǵy kelinshek pen 11 jasar qyzy, 18 jasar týys boıjetken bolypty.
Úıge kirgen kúdikti aldymen kelinshekti pyshaqtaıdy. Ol qulap qalǵan soń, ekinshi qabatqa kóterilip, jatyn bólmedegi jasóspirim men týysyna pyshaq salady. Osy kezde aýyr jaraqattanǵan kelinshek syrtqa júgirip shyǵyp, kórshilerdi kómekke shaqyrǵan. Sóıtip sol jerde esinen tanyp qulaıdy. Aýladaǵy shýdy estigen qaraqshy qashyp ketken.
Kómekke kelgen kórshiler uryny ustaı almaǵan. Degenmen jedel járdem shaqyryp, pyshaq jaraqatyn alǵandar aýrýhanaǵa jetkizildi. Týystarynyń sózinshe, qazir jaraqat alǵandardyń bári de dárigerlerdiń baqylaýynda.
Júrek tusynan pyshaq jaraqatyn alǵan áıelge ota jasaldy, ol áli es-túzsiz. Al úsh adamdy pyshaqtaǵan ury izdestirilip jatyr. Ázirge belgilisi, ol úıge tún jarymda kirip, jasyrynyp qalǵan bolýy múmkin. Úı ıesi balasyn alyp mektepke ketkende aram oıyn júzege asyrmaq bolǵan.
Sondaı-aq, osy arada dál osy úıge toǵyz aı buryn da qaraqshylyq shabýyl jasalǵany anyq boldy. Ol kezde qaraqshylar úı ıesiniń ulyn óltiremiz dep qorqytyp, qyrýar qarajat alyp ketken degen derek bar. Qazir bul ispen tártip saqshylary aınalysýda, dep habarlaıdy otyrar.kz.
