Shymkentte ústine beton plıta qulaǵan jumysshy kóz jumdy

ShYMKENT. QazAqparat - Shymkentte bir adamdy beton plıtalary basyp qaldy, dep habarlaıdy QazAqparat tilshisi.

Búgin saǵat 12:25 shamasynda «112» qutqarý qyzmetiniń basqarý pýltine habarlasqan turǵyn burynǵy kókónis bazasynyń aýmaǵynda qurylys júrip jatqan ǵımarattyń tóbesi qulaǵanyn jetkizgen.

Oqıǵa ornyna quramynda 6 qutqarýshy jáne Shymkent qalasy tótenshe jaǵdaı departamentiniń qyzmetkerleri bar jedel-qutqarý bólimshesi bardy.

Qutqarýshylar «Kókónis bazasynyń» aýmaǵynda ornalasqan «Kýlıev» jeke kásipkerligine tıesili saýda úıiniń qurylysy kezinde 400 sharshy metr alańda beton plıtalarynan quralǵan tóbe jabyny qulaǵanyn anyqtady.

Oqıǵa ornynda Túrkistan oblysy Saryaǵash aýdanynda 1985 jyly týǵan azamat qaıtys boldy.

Shymkent qalasy tótenshe jaǵdaı departamentiniń Jedel-qutqarý jasaǵynyń qyzmetkerleri marqumnyń denesin alyp beton astynan shyqty.

Oqıǵa ornynda tótenshe jaǵdaı departamentiniń eki qyzmetkeri, jedel-qutqarý jasaǵynyń 6 qyzmetkeri 1 tehnıkasy, 1 kınologııalyq, Apattar medıtsınasy ortalyǵy fılıalynyń bir brıgadasy jumys istedi.