Shymkentte ustazdar test tapsyryp jatyr
ShYMKENT. QazAqparat - Shymkentte ustazdar test tapsyrýdy bastady. Muǵalimderdiń bilim deńgeıin tekseretin synaq nátıjesinde joǵary ball jınaǵandar pánaralyq olımpıadalarǵa irikteledi. Al, tómen ball jınaǵandarǵa taǵy bir múmkindik beriledi, dep habarlaıdy QazAqparat tilshisi.
Qazirgi tańda shym shaharda 14 myńdaı ustaz bar. Mektepterde kezekti demalysty paıdalanǵan sala basshylary ustazdardy testileýden ótkizýde.
Qalalyq bilim bólimi basshylyǵynyń málimetinshe, test qortyndysy boıynsha jınalǵan ball kórsetkishteri ustazdardyń jumysyna esh áser etpeıdi. Bul shara tek úzdikterdi iriktep alýdyń zamanaýı ádisi ǵana. Synaqta ár ustaz tek óziniń pánine qatysty suraqtarǵa jaýap beredi. Sebebi, búginginiń bilim qyzmetkerleri únemi sheberligin shyńdap, biliktiligin arttyryp otyrýy qajet. Testileý kezinde ustazdardyń basym kópshiligi joǵary nátıjege qol jetkizip, óz bilimderin dáleldep shyqty. Al, tómen ball jınaǵandaryna testti qaıta tapsyrýǵa múmkindik beriletin boldy. Eger ekinshi ret synnan óte almasa, ornyn bosatýy tıis bolady.
«Jasyratyny joq, keıbir joǵarǵy oqý ornyn bitirip kelgen ustazdar talapqa saı kelmeı jatady. Keshegi qorytyndyny qarasaq, eń tómen nátıje kórsetkender bar. Óte tómen ball jınaǵan ustazdar bilimderin jetildire almasa, jumysynan ketedi dep oılaımyn»,- dedi Shymkent qalalyq bilim bóliminiń basshysy Janat Tájıeva.
