Shymkentte úsh provızorlyq ortalyq ýaqytsha jumysyn toqtatty

ShYMKENT. QazAqparat – Shymkent qalasynda ınfektsııalyq aýrýǵa shaldyqqan naýqastardyń azaıýyna baı̆lanysty úsh provızorlyq ortalyq ýaqytsha jabyldy. Bul týraly qaladaǵy epıd ahýal jóninde baıandaǵan densaýlyq saqtaý basqarmasynyń ókili Dáýlet Shorabaev málimdedi, dep habarlaıdy QazAqparat tilshisi.

Dáýlet Shorabaevtyń aıtýynsha, qazirgi ýaqytta provızorlyq statsıonarlardy kezeń-kezeńmen konservatsııalaý bastalǵan.

«Eń aldymen konservatsııalaý jumystaryn oqý oryndarynda ashylǵan provızorlyq statsıonarlardan bastadyq. Búgingi kúni Polıtehnıkalyq kolledjde ashylǵan statsıonarda -250 oryn, 52 mektepte ashylǵan statsıonarda - 300 oryn jáne №86 mektepte ashylǵan statsıonarda - 400 oryn ýaqytsha qyzmetin toqtatty», - dedi Densaýlyq saqtaý basqarmasynyń ókili.

Sala mamanynyń sózinshe, ýaqytsha jumysyn toqtatqan stantsıonarlar epıdahýal nasharlaǵan jaǵdaı̆da qaı̆tadan ashylatyn bolady.

Aıta keteıik, buǵan deıin alǵashqy medıtsınalyq-sanıtarlyq kómek kórsetý boı̆ynsha jumys kúsheı̆tilgen edi. Nátıjesinde qosymsha 211 mobıldi top qurylyp, 17 820 naýqasqa úı̆inde statsıonarlyq qyzmet kórsetilgen.