Shymkentte úsh partııanyń ókilderi qalalyq máslıhatqa ótti

ShYMKENT. QazAqparat – Shymkent qalasynyń aýmaqtyq saılaý komıssııasy qalalyq máslıhat depýtattaryn partııalyq tizim boıynsha saılaý qorytyndylaryn jarııalady, dep habarlaıdy QazAqparat tilshisi.

Saılaýǵa 6 saıası partııa qatysty. Olar jınaǵan daýys sany mynadaı boldy:

«Amanat» partııasy – 178 969 daýys nemese daýys berýge qatysqan saılaýshylar daýysynyń 64,84 protsenti;

«Aýyl» halyqtyq-demokratııalyq patrıottyq partııasy – 32 486 daýys nemese daýys berýge qatysqan saılaýshylar daýysynyń 11,77 protsenti;

«Respublica» partııasy – 5 424 daýys nemese daýys berýge qatysqan saılaýshylar daýysynyń 1,97 protsenti;

«Qazaqstan halyq partııasy» – 2 754 daýys nemese daýys berýge qatysqan saılaýshylar daýysynyń 1,54 protsenti;

Qazaqstannyń «Baıtaq» jasyldar partııasy – 716 daýys nemese daýys berýge qatysqan saılaýshylar daýysynyń 0,26 protsenti;

«Aq jol» Qazaqstannyń Demokratııalyq partııasy – 48 729 daýys nemese daýys berýge qatysqan saılaýshylar daýysynyń 17,65 protsenti;

«Bárine qarsymyn» belgisi bar saılaý bıýlletenderi sany – 6 927.

Daýys berýge qatysqan saılaýshylar daýystarynyń bes jáne odan kóp protsentin alǵan saıası partııalar úshin depýtattyq mandattar kelesideı bólindi.

«Amanat» partııasy - 11;

«Aýyl» halyqtyq-demokratııalyq patrıottyq partııasy - 2;

«Respublica» partııasy - 0;

«Qazaqstan halyq partııasy» - 0;

Qazaqstannyń «Baıtaq» jasyldar partııasy - 0;

«Aq jol» Qazaqstannyń demokratııalyq partııasy - 3.