Shymkentte úsh balanyń anasy asylyp qaldy
ShYMKENT. QazAqparat - Shymkentte úsh balanyń anasy asylyp qaldy. 25 jastaǵy kelinshektiń máıitin podezdiń besinshi qabatynan taýyp alǵan, dep habarlaıdy QazAqparat HAA tilshisi.
Qaıǵyly oqıǵa qalanyń móltekaýdandarynyń birinde oryn alǵan. Belgili bolǵandaı, kelinshek bul páterge tórkindetip kelipti. Al, tún ortasynda syrtqa shyqqan. Artynan keshigip ketken soń, izdegen týystary besinshi qabattan shatyrǵa shyǵatyn jerde onyń asylyp turǵanyn kóredi. Jedel járdem qyzmetin shaqyrǵanymen áıeldi aman alyp qalý múmkin bolmapty.
Oblystyq ІІD baspasóz qyzmetiniń bas mamany Spabek Jarqynbekovtyń sózinshe, qazir osy oqıǵa boıynsha Eńbekshi aýdandyq ІІB Qylmystyq kodekstiń 105 babymen is qozǵalyp, tergeý amaldary júrgizýde. Túrli sot-medıtsınalyq saraptamalar taǵaıyndalyp, týystarynan jaýap alynýda. Marqumnyń ne sebepti osyndaı áreketterge barǵany anyqtalyp jatyr.
