Shymkentte úsh aýysymdy mektepter sany azaıady
Shymkent qalasynda 2025 jylǵa deıingi keshendi josparǵa sáıkes 75 015 orynǵa arnalǵan 77 mektep salý josparlanǵan. Onyń 54-i memleket esebinen bolsa, 4-ýi memlekettik-jekemenshik áriptestik negizinde, al 19 mektep jeke ınvestorlar esebinen boı kótermek.
Bıylǵy jyly 10 540 orynǵa arnalǵan 16 mektep jyl sońyna deıin paıdalanýǵa beriledi dep josparlanýda.
Qalada qurylysy júrip jatqan 11 mekteptiń esebimen jekemenshik bilim mekemesiniń sany 62-ge jetedi. Jeke mektepter sanyn kóbeıtý - bıýdjetke túsetin júktemeni tómendetýge, oryn tapshylyǵyn azaıtýǵa, bilim sapasyn jaqsartýǵa jáne pedagog mártebesin arttyrýǵa múmkindik berip otyr. Al, bul ınvestor úshin tutyný kepildigi bar tabysty ári uzaq merzimdi bıznes joba bolyp tabylady.
Al, bıyl bıýdjet esebinen 5 mekteptiń janynan qosymsha ǵımarattardyń qurylysy júrgizilýde. Jańa nysandar paıdalanýǵa berilgen tusta qalada úsh aýysymdy mektepter sany 9-dan 5-ke tómendeıdi.
Jalpy úsh aýysymda bilim beretin mektepter jáne mektebi joq shaǵyn aýdandar máselesin 2023 jyly, al oryn tapshylyǵyn (defıtsıt) 2025 jylǵa deıin tolyǵymen sheshý josparlanǵan.