Shymkentte únemdelgen 3,3 mlrd teńge aýrýhanalardyń materıaldyq bazasyn nyǵaıtýǵa jumsalady

ShYMKENT. QazAqparat – Shymkent qalasynyń ákimdigi karantınniń uzartylýyna baılanysty jergilikti bıýdjetti ońtaılandyrý nátıjesinde 11,2 mlrd teńgeni únemdedi. Qala máslıhatynyń kezekten tys 68 sessııasynda depýtattar bıýdjettik baǵdarlamaákimshileri usynǵan bıýdjet qarjysyn biraýyzdan bekitti, dep habarlaıdyQazAqparat tilshisi.

Máslıhatqa qatysqan qala ákimi Murat Áıtenov únemdelgen qarajattyńbasym bóligi medıtsınalyq uıymdardyń materıaldyq-tehnıkalyq bazasyn nyǵaıtý men azamattarǵa áleýmettik kómek kórsetýge jumsalatynyn atap ótti.

«Qysqartylǵan qarjy negizinen mádenı is-sharalardy ótkizýden, qyzmettik issapar shyǵyndarynan, mekemelerdińmaterıaldyq-tehnıkalyq bazasyn nyǵaıtýdan ońtaılandyryldy. Aıta ketý kerek, karantın shekteýlerine qaramastan qalalyq bıýdjettiń kirisi tómendegen joq. Máselen, qalalyq bıýdjettiń ózindik kirisi 21,8 mln teńgege ulǵaıyp, 133 mlrd teńgege jetti. Qaladaǵy ekonomıkalyq ósimdi qaıta qalpyna keltirý boıynsha keshendi jospar júzege asyrylyp jatyr»,-dedi qala basshysy.

Naqtyraq aıtsaq, qysqartylǵan qarjynyń 3 359,3 mln teńgesi - medıtsınalyq uıymdardyń materıaldyq-tehnıkalyq bazasyn nyǵaıtýǵa jumsalsa, 219,1 mln teńge - azamattarǵa áleýmettik kómek kórsetýge baǵyttalmaq.

Sonymen qatar 989,8 mln teńge - bilim salasyndaǵy mektepter men mektep-ınternattardy materıaldyq-tehnıkalyq jańǵyrtýǵa, 111,7 mln teńge - alty kópqabatty turǵyn úıdiń 12 lıft qondyrǵysyn aýystyrýǵa jumsalady.

Qalǵan qarjy shaǵyn aýdandardaǵy ınfraqurylym máselesi men abattandyrýǵa qajet.