Shymkentte ýly jylandardyń úıge kirý oqıǵasy jıiledi
ShYMKENT. QazAqparat - Shymkentte jylandar turǵyndardyń úıine kirip ketý oqıǵasy kóptep tirkelip jatyr. Jergilikti qutqarýshylardyń sózine qaraǵanda, 13 turǵynnyń baspanasynan jylan ustalǵan, dep habarlaıdy QazAqparat HAA tilshisi.
Baýyrymen jorǵalaýshylar ásirese qalanyń shetindegi turǵyn úılerde jıi kezdesetin bolǵan. Máselen qutqarý qyzmetiniń «112» nómirine bir azamat habarlasyp, jylandy baspanasynan shyǵara almaı jatqanyn aıtypty. Oqıǵa ornyna jetken jedel qutqarý jasaǵy uzyndyǵy 1 metr bolatyn jylandy ustap alǵan.
Dál osyndaı jaǵdaı Qarataý aýdanyndaǵy jeke úılerdiń birinde oryn alǵan. Ol jerden qutqarýshylar 70 sm bolatyn ýly jylan ustapty. Abyroı bolǵanda eshkimdi shaǵyp úlgermegen. 
