Shymkentte «Uly Jibek joly boıymen» fotokórmesi ótýde

ShYMKENT. QazAqparat - Shymkentte fotosýretshilerdiń «Uly Jibek joly boıymen» fotokórmesi ótýde. «Kazakh Tourism» UK» AQ uıymdastyrǵan fotobaıqaýǵa Qazaqstan men Ózbekstannyń áýesqoı jáne kásibı sýretshileri qatysýda, dep habarlaıdy QazAqparat tilshisi.

Kórmeni tamashalaýǵa kelgen qonaqtar qazaq-ózbek halyqtarynyń baı mádenıeti men turmystyq erekshelikterin, salt-dástúrleri men kıeli oryndarymen tanysty. Sondaı-aq, kóne sáýlet eskertkishteri men janǵa jaıly demalys oryndaryn, Uly Jibek joly boıyndaǵy memleketterdiń tabıǵaty beınelengen sýretterdi tamashalady. Óz jumystaryn kópshilik nazaryna usynǵan óner ıeleri kórme barysynda «Qazirgi zamandaǵy Jibek joly» taqyrybynda kórkem sýret sheberlik saǵatyn uıymdastyrdy.

Aıta keteıik, sýret kórmesi búgin Shymkentte ótip jatqan Qazaqstan - Ózbekstan óńiraralyq yntymaqtastyq forýmy aıasynda uıymdastyrylyp otyr. Atalǵan shara Qazaqstandaǵy Ózbekstan týrızmi jylynyń jabylýyna oraı uıymdastyryldy.