Shymkentte ulttyq dızaınerler kórmesi ótti
ShYMKENT. QazAqparat - Shymkent qalasynda Qazaqstannyń sángerleri bas qosty. «Shymkent Pop Up Store» ulttyq dızaınerler kórmesiniń VIII maýsymy «Shymkent-plaza» oıyn-saýyq ortalyǵynda saltanatty túrde ashyldy, dep habarlaıdy QazAqparat tilshisi.
Respýblıkalyq kórmege 400-ge jýyq brend-kompanııalardyń ókilderi qatysty. Qazaqstannan bólek bólek Lıtva, Grýzııa jáne Ózbekstannyń tanymal dızaınerleri de shaqyrtyldy. Kórmeni tamashalaýshylardyń nazaryna shymkenttik dızaınerlerdiń kóktem-jaz maýsymyna arnalǵan toptamasy usynyldy. Budan bólek sheberlerdiń qoldan jasalǵan áshekeı buıymdary, bylǵary sómkeler, kosmetıkalar jáne kádesyılary kórmeden oryn tapty.
Aıta keteıik, ulttyq kórme úsh kúnge sozylady. Dızaınerlermen qatar munda balalarǵa arnalǵan defıle uıymdastyrylyp, vızajıster jáne stılıster sheberlik-sabaqtaryn ótedi.
