Shymkentte ulandyqtar adamdy ólimnen arashalap qaldy

ShYMKENT. QazAqparat - Ulttyq ulannyń jaýyngerleri ózine-ózi qol jumsamaq bolǵan turǵyndy qutqaryp qaldy, – dep habarlaıdy QazAqparat Polisia.kz saıtyna silteme jasap.

9 maýsym kúni qoǵamdyq tártipti saqtaý boıynsha qyzmetterin atqaryp júrgen Ulttyq ulan 6506 áskerı bóliminiń sarbazdary bólimge qaıtý úshin jınalyp jatqan kezde «Kómektesińder!» degen áıel adamnyń daýysyn estıdi. Daýys shyqqan jaqqa jónelgen sarbazdar belgisiz azamattyń óz úıiniń aýlasynda aǵashqa asylyp turǵanyn baıqaıdy.

«Qyzmet aıaqtalǵan kez edi. Saǵat 23.25 shamalarynda áıel adamnyń kómekke shaqyryp jatqan daýysyn estidik. Oılanbastan daýys shyǵyp jatqan jaqqa bir jasaq bop barǵan kezimiz edi, asylyp turǵan azamatty kórip, ony sheship aldyq», – deıdi bólimniń qatardaǵy sarbazy Artem Ivýshkın.

Sarbazdar alǵashqy medıtsınalyq kómek kórsetken soń, er azamat esin jıǵan. Oqıǵa ornyna jedel járdem shaqyrylyp, turǵyn dárigerlerge tapsyrylǵan.