Shymkentte ulan sarbazdary joǵalǵan úsh búldirshindi tapty
Ulttyq ulannyń baspasóz qyzmetiniń habarlaýynsha, birinshi oqıǵa senbi keshkisin Adyrbekov kóshesiniń boıyndaǵy «Mádına» dúkeninniń mańynda oryn aldy. Qaraqurym toptyń arasynda Qadısha adasyp qalǵan. Quramynda qatardaǵy Musa Qabdyrash, Erjan Saǵyndyqov jáne Gennadıı Kılın bar jasaq, sol mańda jylap turǵan kishkentaı qyzdy baıqaıdy. Búldirshin kóshede atasymen birge serýendep júrip, adasqanyn bilmeı qalypty. Kishkentaı Qadıshanyń jaqyndaryn izdeýge kirisken ulandyqtar, kóshedegi adamdardan suraý júrgizedi. Araǵa jarty saǵat salyp qyzdyń atasyn taýyp alady. Nemeresimen qaýyshqan aqsaqal quqyqtyq tártip jaýyngerlerine qyraǵylyǵy men jedel áreketi úshin úlken alǵysyn bildirdi.
Ekinshi jaǵdaı da jeksenbi kúni keshki bolǵan. Ulttyq ulannyń jaýyngerleri qatardaǵy Ernar Qabylbek, Nurdáýlet Serikuly jáne Nurǵalı Ómirzaqov patrýldeý baǵyty boıynsha kele jatyp, eki balanyń joǵalǵany týraly aqparat alady. Tórt jasar Sultan jáne eki jastaǵy Mádına Ermekter Respýblıka dańǵyly boıynda kózden tasa bolypty. Osydan keıin, áskerı jasaq tez arada joǵalǵan balalardy izdeý jumystaryna kirisiedi. Ulandyqtardyń qyraǵylyǵynyń arqasynda shamasy on bes mınýt ishinde balalar tabylyp, jaqyndaryna tapsyryldy.
