Shymkentte UQK-niń qyzmettik kýáligin qoldan jasaǵan áskerı men onyń sybaılasy sottaldy
ShYMKENT. QazAqparat - Shymkentte UQK-niń qyzmettik kýáligin qoldan jasap alǵan áskerı men sybaılasy sottaldy. Shymkent garnızony áskerı soty Tarazdyń eki turǵynyn eki jyl shartty jazaǵa kesti.
Іsti qaraǵan Shymkent garnızony áskerı sotynyń tóraǵasy Ǵalym Janbatyrovtyń sózinshe sottalǵan ekeý kýálikterdi osy jyldyń naýryz aıynda jasap alǵan. Oǵan sýretterin japsyryp, aǵa leıtenant shenin kórsetken. Osylaısha sybaılastar áskerı bólimshege emin-erkin kirip, shyǵyp júredi. Tipti jalǵan kýálikterine áskerı bólimniń mórin basyp alady.
Sodan keıin olardyń alaıaqtyq áreketteri áshkere boldy. Tergeý barysynda kúdiktiler jasaǵan qylmystaryn tolyq moınyna alyp, barlyǵyn aıtyp bergen. Endi sottalǵan ekeý eki jyl boıyna shartty jazasyn ótemek. Dese de sot úkimi osy aıdyń 7-si kúni kúshine enedi.
