Shymkentte tutynýshylaryn talastyrǵan dúken ıesi jaýapqa tartylatyn boldy
Shymkenttegi sporttyq kıim satatyn dúken ıesi uıymdastyrǵan aktsııanyń sońy shýǵa aınaldy. Arzan kıim alǵysy kelgen kópshilik jarnamany estigen boıda dúkenge qaraı lap bergen. Nátıjesinde dúkenge kirýge talasqan tutynýshylar bir biriniń ómirine qaýip tóndirdi.
Al, búgin dúken ıesi kópshilikten keshirim surady.
«5 qarasha kúni bolǵan aktsııany áleýmettik jelige taratýymnyń sebebinen adamdar kóp jınalyp, túsinbeýshilikter boldy. Sonyń saldarynan turǵylyqty ýchaskelik ınspektordy shaqyryp, jaǵdaıdy rettestirdik. Quzyrly organdarǵa habar bermeýimniń sebebinen osyndaı jaǵdaı boldy. Sizderden keshirim suraımyn. Endi osyndaı aktsııa uıymdastyryp ótkizetin bolsam, mindetti túrde quzyrly organdarǵa habar beremin», -deıdi ol.
Aıta keteıik, búgin atalǵan jaǵdaı boıynsha túsinik bergen Shymkent qalalyq polıtsııa departamentindegiler dúken ıesiniń QR ÁQBtK-niń 488-1-baby boıynsha ákimshilik jaýapkershilikke tartylatynyn habarlady.