Shymkentte tútinge tunshyǵyp, eki adam qaza tapty
ShYMKENT. QazAqparat - Shymkentte tútinge tunshyǵyp, eki adam qaza tapty. Qaıǵyly oqıǵa qaladaǵy turǵyn úılerdiń birinde bolǵan, dep habarlaıdy QazAqparat HAA tilshisi.
Óńirdiń tótenshe jaǵdaılar qyzmetiniń málimetinshe, keleńsiz jaǵdaı kúndizgi saǵat 11-ler shamasynda oryn alǵan. 55 jastaǵy turǵyn bólmesinde temeki tartyp jatyp, uıyqtap ketken. Nátıjesinde tósek oryn órtenip, úıdiń ishin kók tútin basqan. Kórshi bólmede jatqan 80 jastaǵy zaǵıp qarııa da ıisten ýlanyp, jantásilim etken. Oqıǵa ornyna órt sóndirý qyzmeti jetip, jalyndy aýyzdyqtady. Jedel járdem qyzmeti máıitterdi alyp ketken. Qazir qalalyq tótenshe jaǵdaılar basqarmasy qyzmetkerleri men polıtseıler qaıǵyly oqıǵanyń sebep-saldaryn anyqtaýda.
