Shymkentte tústi metall urlaǵandar ustaldy
ShYMKENT. QazAqparat - Shymkent qalasynyń polıtseıleri izin sýytpaı tústi metall urlaý kezinde eki jergilikti turǵyndy quryqtady, deıdi oblystyq ishki ister departamentiniń resmı ókili Saltanat Qaragózova.
2017 jyldyń 10 qańtar kúni saǵat 23.00 shamasynda Shymkent qalalyq ІІB jol-patrýldik polıtsııa qyzmetkerleri qyzmettik tekserý júrgizý kezinde kóshelerdiń birinde kúdik týdyrǵan belgisiz tulǵalar tústi metall artyp jatqan avtokólikti baıqaıdy. Polıtseıler 1998 jáne 1999 jylǵy Shymkent qalasynyń eki turǵynyn quryqtady, onyń biri buryn sotty bolǵan.
Tártip saqshylary anyqtaǵandaı, qaladaǵy ǵımarattyń birinen terezesinen túsip alıýmınıı urlaǵan. Urlanǵan zatty kúdiktiler taksı retinde jaldaǵan «Opel» markaly avtokólikke tıep jatqan.
Oqıǵanyń barysyn anyqtaý maqsatynda kúdiktilerdi Shymkent qalalyq ІІB Eńbekshi polıtsııa bólimine jetkizdi. Aıǵaqty zattar tárkilendi. Sotqa deıingi tergeý amaldary júrgizilýde.
Almas SULTAN
