Shymkentte túrki áleminiń Yntymaqtastyq kúni atalyp ótýde

ShYMKENT. QazAqparat - Shymkenttegi «Túrkistan» saraıynda túrki áleminiń Yntymaqtastyq kúnine arnalǵan saltanatty is-shara ótýde. «Túrkistan-Túrki áleminiń mádenı astanasy» jyly aıasynda uıymdastyrylǵan shara túrkitildes ulttar arasyndaǵy baýyrlastyq baılanystar men dostyqty, túrkilik mádenıet pen ónerdi urpaqtan urpaqqa jetkizý men dáripteý maqsatynda ótkizilip otyr, dep habarlaıdy QazAqparat tilshisi.

Jıynda Qyrǵyzstan Respýblıkasynyń «Aqaq» komýzshylar ansambli men Reseı Federatsııasy, Tyva Respýblıkasynyń halyq artısi Ondar Mongýn Ool jáne Túrkııa Respýblıkasy, Býrsa qalasy Meriniń ulttyq orkestriniń ónerpazdary Djengız Býtýn jáne Hasan Kýrtýlýsh Gezıýtok óner kórsetýde. Sondaı-aq zalǵa jınalǵan kópshilik Mońǵolııa eliniń ónerpazy Ýranchımeg Odontýngalagtyń, Ózbekstan Respýblıkasynyń dýtar aspabynyń saz oryndaý dástúrin jalǵastyrýshy «Abbos» ansambli men Ázerbaıjan Respýblıkasy «Mýgam» trıosyn tamashalap otyr.
 

Budan bólek, Tatarstan Respýblıkasy Aıdar Valeev, Saha-ıAkýtııa Respýblıkasy Homýs aspabynda oryndaýshy, ánshi jáne álemge tanymal shań qobyzshylardyń biri ıÝlııana Krıvoshapkına, Bashqurtstan Respýblıkasynan «Beshbarmaq» toby jáne Ońtústik Qazaqstan oblysynyń ónerpazdary kelip, atalǵan 10 memlekettiń kórkemóner ujymdary men ánshileri óz ónerlerin ortaǵa salýda.

Aıta keteıik, túrkitildes memleketterdiń Yntymaqtastyq keńesi ekonomıkalyq jáne mádenı-gýmanıtarlyq saladaǵy yntymaqtastyqty nyǵaıtý ıdeıasymen 2009 jylǵy 3 qazan kúni Nahıchevanı qalasynda 4 memlekettiń qol qoıýymen qurylǵan bolatyn.

Yntymaqtastyq basqosýyna Ázerbaıjan, Túrkııa, Ózbekstan, Qyrǵyzstan, Mońǵolııa memleketteri men Reseı Federatsııasynyń Tatarstan, Bashqurtstan, Saha, Tyva Respýblıkalarynan arnaıy delegatsııalar kelip, dostyq ónerin tamashalap keledi. Sonymen qatar, túrkitildes memleketterden kelgen kórkemóner ujymdary men ánshiler Túrkistan qalasyndaǵy Qoja Ahmet ıAsaýı atyndaǵy Halyqaralyq qazaq-túrik ýnıversıtetiniń Mádenıet ortalyǵynda Túrki áleminiń Yntymaqtastyq kúnine arnalǵan merekelik kontsert qoıǵan bolatyn.