Shymkentte túrik fılmderi tegin kórsetilip jatyr
Túrik fılmderi aptalyǵynyń saltanatty ashylý rásimine Ońtústik Qazaqstan oblysynyń ákimi Janseıit Túımebaev, Túrkııa memleketinen kelgen qonaqtar - Eýrazııa Azamattyq Qoǵamdyq birlestiginiń tóraǵasy Ismaıl Safı, Túrkııa Respýblıkasynyń Eńbek sińirgen qaıratkerleri men rejısserlary Erhan Baıtemýr, Kıýrshat Kyzbaz, kınoakterlar Týrgaı Atalaı, Achelıa Elmas, Fýrkan Palaly qatysty.
Túrkııa Respýblıkasy Mádenıet mınıstrligi men OQO ákimdiginiń uıymdastyrýymen 1-5 qarasha aralyǵynda Shymkent qalasyndaǵy «Shymkent plaza» oıyn-saýyq ortalyǵynyń kıno zalynda tarıhı, drama baǵytyndaǵy fılmder kúngeı kórermenderiniń nazaryna usynylatyn bolady.
Jalpy bul kórsetilimniń basty maqsaty túrki elderine ortaq, mədenıeti men ədebıetin arqaý etken tarıhı fılmderdi nasıhattaý, kınorejısserler men akterlar arasyndaǵy shyǵarmashylyq baılanysty nyǵaıtý, təjirıbe almasýǵa jol ashý bolyp tabylady.
Kıno - kez kelgen memlekettiń mádenı aınasy ekenin aıtqan oblys ákimi Janseıit Túımebaev ol halyqtyń turmys-salty men dástúrin dáripteıtin qural bolyp sanalatynyn jetkizdi.
«Búginde búkil álem kıno men telehıkaıa salasyna úlken den qoıyp júr. Bizdiń elimizde de kıno salasyna jiti kóńil bólinip, keńinen nasıhattalyp keledi. Sebebi, kıno jaı ǵana óner emes, ol qoǵamnyń ulttyq ıdeologııasyn qalyptastyratyn negizgi quraldyń biri. Sondyqtan da, kez - kelgen memleket óz kınoındýstrııasynyń damýyna zor múmkindikter jasaıdy. Al kıno men anımatsııa salasy da Ońtústik Qazaqstan oblysynda da damyp kele jatyr. Kıno salasynda júrgen azamattar Elbasymyzdyń «Bolashaqqa baǵdar: rýhanı jańǵyrý» maqalasynda atap kórsetken ulttyq rýhty arqaý etken dúnıelerdi túsirý arqyly óskeleń urpaqtyń júreginde maqtanysh sezimin oıatyp, patrıottyqqa tárbıeleýimiz qajet. Osy baǵytty maqsat tutqan oblysymyzdaǵy jeke kınostýdııalardyń 40-tan asa kórkem fılmderi kórermenge jol taratty», - dedi oblys ákimi.
Eske salaıyq, túrik fılmderi aptalyǵynda ótetin barlyq kınolar aqysyz. 