Shymkentte turǵyn úıden órt shyǵyp, múgedek azamat kóz jumdy

ShYMKENT. QazAqparat - Shymkentte turǵyn úıden órt shyǵyp, múgedek er adam kóz jumdy. Qaıǵyly jaǵdaı qala irgesindegi Qyzylsaı eldimekeninde oryn alǵan, dep habarlaıdy QazAqparat tilshisi.

Qalalyq TJD baspasóz qyzmetiniń málimetinshe, 17 qańtarda saǵat 12:30-da shuǵyl kezekshilerdiń basqarý pýltine jeke turǵyn úıdiń aýlasynda órt shyqqany týraly habarlama kelip túsken.

Oqıǵa ornyna órt sóndirý qyzmetiniń 15 adamnan quralǵan jeke quramy men 4 tehnıkasy, jedel-tergeý kezekshi tobynyń 3 qyzmetkeri jumyldyryldy. Alaıda, tilsiz jaýdy turǵyndar órt sóndirýshiler kelgenshe óshirip qoıǵan.

«Jalyn 12 sharshy metr aýmaqty sharpyǵan. Úı ishindegi tósek-oryn jabdyǵy janǵan. Oqıǵa ornynan 1956 jyly týǵan múgedek er adamnyń denesi tabyldy. Órttiń shyǵý sebebi, boljam boıynsha - saqtyq sharalaryn saqtamaı temeki shegý bolyp otyr» delingen habarlamada.