Shymkentte turǵyn úıden órt shyǵyp, eki adamdy kúıik shaldy
Oqıǵa Qarataý aýdanynyń Qaınarbulaq saıajaıyndaǵy Berezovaıa kóshesindegi jer úıde boldy. Turǵyn úıdiń 56 sharshy metri janyp, qabyrǵalary qulaǵan. Órt saldarynan 2016 jyly týǵan qyzdyń aıaǵy, beti jáne arqasy kúıgen. Qazir jetkinshek aýrýhanaǵa jatqyzyldy. Sondaı-aq, qyzdyń anasy da órtten zardap shekken. Degenmen, jaraqaty jeńil bolǵandyqtan aýrýhanaǵa jatýdan bas tartypty.
«Úıdiń ishindegi 50 lıtrlik gaz ballonǵa jalǵanatyn shlanginiń aqaýy saldarynan gaz-aýa qospasynyń tarsyly oryn aldy. Sondaı-aq órt sóndirýshiler syıymdylyǵy 50 lıtr bolatyn tórt gaz ballondy qaýipsiz jerge shyǵardy», - delingen Shymkent qalasy TJD qoǵammen baılanys toby taratqan málimdemede.
Órtti sóndirýge 17 qyzmetker men 3 birlik tehnıka, apattar medıtsınasy ortalyǵy fılıalynyń brıgadasy jumyldyrylǵan.
