Shymkentte turǵyn úıde gaz jarylyp, anasy men balasy kúıip qaldy
ShYMKENT. QazAqparat - Shymkentte turǵyn úıde gaz jarylyp, anasy men balasy kúıip qaldy. Keleńsiz jaǵdaı qala irgesindegi Tassaı eldi mekeninde bolǵan, dep habarlaıdy QazAqparat tilshisi.
«QazTransGazAımaq» AQ Shymkent fılıalynyń baspasóz qyzmeti málimetinshe, 30 jastaǵy kelinshek pen 6 jasar balanyń denesin qatty kúıik shalyp, ekeýi de aýrýhanaǵa túsken. Aldyn ala boljam boıynsha, gaz jer asty qubyrlarynan shyqqan. Gaz sharýashylyǵy mamandarynyń sózinshe, jarylys bolǵan úıdiń kórshisi eshkimge eskertpesten qubyrlardy kesip, ózine qaraı tartyp alǵan. Ári olardy polıetılen klenkalarynmen orap tastapty. Saldarynan qubyrlar kesilgen jerge gaz jınalyp, jarylys bolǵan. Keıinnen belgili bolǵandaı, jergilikti turǵyn bul áreketin ózim bilermendikpen, eshkimge eskertpesten jasaǵan. Qubyrlardy kesý barysynda da eshqandaı saqtyq sharalary saqtalmaǵan. Qazirgi tańda osy oqıǵa boıynsha tıisti tekserýler taǵaıyndalyp, tergeý sharalary júrgizilýde.
