Shymkentte turaqtandyrý qoryndaǵy azyq-túlikti talan-tarajǵa salý boıynsha sot otyrysy ótýde
ShYMKENT. QazAqparat - Shymkentte turaqtandyrý qoryndaǵy azyq-túlikti talan-tarajǵa salý boıynsha sot otyrysy ótýde. Ál-Farabı aýdandyq sotynda «Ońtústik» JShS-niń bas dırektory men qoıma meńgerýshisiniń isteri qaralýda, dep habarlaıdy QazAqparat tilshisi.
Sottyń málimetinshe, ekeýi Qylmystyq kodekstiń 189 «Senip tapsyrylǵan bóten múlikti ıemdenip alý nemese talan-tarajǵa salý» babynyń 4 bóligi 2 tarmaǵy boıynsha aıyptalýda. Budan bólek, bas dırektorǵa «Qyzmettik jalǵandyq jasaý» baby boıynsha, al qoıma meńgerýshisine «Jalǵan qujattardy, mórtabandardy, mórlerdi, blankilerdi, memlekettik poshta tólemi belgilerin, memlekettik nagradalardy qoldan jasaý, daıyndaý nemese ótkizý» baptarymen qylmys jasaǵan degen kiná taǵyldy.
Aıta keteıik, osy jyldyń basynda óńirdegi turaqtandyrý qorynda asa iri kólemde azyq-túlik jetispeýshiligi anyqtalǵan bolatyn. Qoımadaǵy zattarǵa tekserý júrgizgen quzyrly organ ókilderi 160 mln teńgeden asa qarajattyń zaty joq ekenin áshkerelegen. Keıinnen bul jetispeýshilikke bas dırektor men qoıma meńgerýshisi kináli dep tanyldy. Keıbir kýágerlerdiń kelmeýine baılanysty sot otyrysy biraz ýaqytqa shegerilgen edi. Qazir kezekti sot otyrysyna kýágerler májbúrli túrde jetkizilip jatyr.
