Shymkentte túngi tynyshtyqty buzǵan mas qyzdar jaýapqa tartyldy

ShYMKENT. QazAqparat – 2 shilde kúni saǵat 03:45 shamasynda polıtsııaǵa turǵyndardan «Vostok» móltekaýdanyndaǵy úılerdiń biriniń aýlasynda túngi ýaqytta tynyshtyqty buzý oqıǵasy oryn alǵandyǵy týraly qońyraý shalynǵan, dep habarlaıdy QazAqparat Polisia.kz- saıtyna silteme jasap.

Shaqyrtý boıynsha jedel jetken polıtsııa qyzmetkerleri turǵyn úıler aýlasynda úsh qyzdyń spırttik ishimdik iship otyrǵanyn anyqtady. Atalǵan turǵyndar polıtseılerdiń eskertýlerine qulaq aspaı, ary qaraı kóńildi otyrystaryn jalǵastyra bermek bolǵan. Tártip saqshylary olardyń alkogoldik masań kúıin anyqtaý maqsatynda medıtsınalyq kýálandyrýdan ótkizý úshin medıtsınalyq mekemege apardy. Kýálandyrý nátıjesinde orta dárejede alkogoldik masań kúıi anyqtalǵan qyzdar ýaqytsha ýytsyzdandyrý ortalyǵyna jetkizildi.