Shymkentte túnde turǵyn úılerden telefon urlaǵan kúdikti ustaldy
ShYMKENT. QazAqparat - Shymkentte polıtseıler turǵyn úılerdi tonap júrgen kúdiktini ustady. Tergeý barysynda seziktiniń 20 urlyqqa qatystylyǵy anyqtaldy, dep habarlaıdy «QazAqparat HAA tilshisi.
Qarataý aýdandyq polıtsııa bólimine on shaqty azamat úıin tonap ketkenin aıtyp, aryzdanǵan. Jábirlenýshilerdiń sózinshe urylar qylmystyq áreketterin negizinen túngi ýaqytta jasaǵan. Dalada jatqan jerinen uıaly telefondaryn qoldy etkenin aıtqan. Jedel izdestirý sharalary barysynda tártip saqshylary 21 jastaǵy jumyssyz turǵyndy ustady. Jaýap alý barysynda ol jábirlenýshilerdiń úıine kirip, uıaly telefon men planshetterin tonaǵanyn moıyndaǵan. Urlanǵan zattardy satyp, qajettilikterine jaratypty.
Qazir kúdiktiniń ústinen Qylmystyq kodekstiń 188-baby «Tonaýmen» is qozǵalyp, tergeý amaldary júrgizilýde.
