Shymkentte tún ishinde tóbeleskender birin-biri basynan aǵashpen urǵan
Áleýemttik jelide tún ishinde Shymkent kóshelerinde birin-biri aıaýsyz urǵan azamattardyń vıdeosy tarady. Onda eki jigittiń eregisiniń sońy úlken tóbeleske aınalǵan. Tipti, birin-biri basynan aǵashpen aıaýsyz uryp jatqanyn kórýge bolady.
Al, Shymkent qalasy polıtsııa departamentiniń baspasóz qyzmeti atalǵan jaǵdaı boıynsha tergep-tekserý áreketteri júrgizilip jatqanyn málimdedi.
«Beınejazbada kórsetilgen jaıt Qarataý aýdanynyń polıtsııa basqarmasymen QR QK-niń 293-baby «buzaqylyq» boıynsha tirkeldi. Sondaı-aq, oryn alǵan oqıǵa boıynsha polıtsııaǵa eshqandaı aryz-shaǵym túsirilmegenin habarlaımyz. Qazirgi tańda qylmystyq is boıynsha tergep-tekserý áreketteri júrgizilýde», - delingen Shymkent qalasy polıtsııa departamentiniń baspasóz qyzmeti taratqan aqparatta.
Vıdeodan alynǵan kadr
