Shymkentte tumaý juqtyrǵandar kóbeıdi
Jyl basynan beri Shymkent qalasynda jedel respıratorly vırýsty ınfektsııalardyń 22046 jaǵdaıy tirkeldi. Bul kórsetkishti ótken jyldyń sáıkes kezeńimen salystyrǵanda aýrýshańdyq 1,7 esege joǵarylaǵanyn kórýge bolady. Naýqastanýshylardyń 77,9 paıyzyn 14 jasqa deıingi balalar qurap otyr.
«Aýrýshańdyqtyń aldyn alý barysynda jergilikti bıýdjet qarajaty esebinen 134580 doza grıppol vaktsınasy qoımaǵa jetkizildi. Ol turǵyndardyń 12,6 paıyzyn tumaýǵa qarsy egýmen qamtýǵa jetkilikti. Jergilikti bıýdjet qarajatynan satyp alynǵan vaktsına qaterli topqa jatatyn azamattarǵa júrgiziledi. Al, jumys berýshiniń esebinen «Intertıch» medıtsına ortalyǵynda, aqyly túrde «Orynbaev» medıtsına ortalyǵynda egý jumystaryn júrgizý josparlanyp otyr», - deıdi Shymkent qalasy sanıtarııalyq-epıdemıologııalyq baqylaý departamentiniń baspasóz qyzmeti taratqan aqparatta.