Shymkentte tumaý órship tur

ShYMKENT. QazAqparat – Shymkent qalasynda jedel respıratorly vırýsty ınfektsııamen (JRVI) syrqattanýshylyq ótken jyldyń sáıkes kezeńimen salystyrǵanda eki esege joǵarylaǵan, dep habarlaıdy QazAqparat tilshisi.

Epıdemıologııalyq maýsym bastalǵaly beri qala aýmaǵynda JRVI –diń 128 639 jaǵdaıy tirkelgen. Onyń 70 paıyzy 14 jasqa deıingi balalar. Al, epıdemıologııalyq maýsymda tumaý aýrýshańdyǵy boıynsha 102 jaǵdaı esepke alynǵan. Onyń ishinde tumaýdyń «V» tıpi 99, «A» (N1N1) tıpi boıynsha 3 jaǵdaı anyqtalǵan.

«Qalada tumaýdan basqa vırýstar da taralýda. Máselen, 135 synama tekserilip, onyń ishinde 60 synamadan oń nátıje anyqtaldy. Rınovırýs – 19, paragrıpp - 21, rotavırýs – 12, adenovırýs – 2, koronavırýs - 6. Vırýstardyń túrleri tek vırýsologııalyq zertteýlermen anyqtalady jáne rastalady» - deıdi Shymkent qalasynyń sanıtarııalyq-epıdemıologııalyq baqylaý departamentiniń basshysy Ábdimanap Tólebaev.

Qazirgi tańda táýekel tobyna jatatyn 134 580 adam egýmen qamtylǵan. Jalpy tumaýdan epıdemıologııalyq maýsymda aýrýshańdyqtyń aldyn alý barysynda jergilikti bıýdjet qarajaty esebinen 134580 doza vaktsına alynǵan. Ol turǵyndardyń 12,6 paıyzyn ǵana tumaýǵa qarsy egýmen qamtýǵa jetkilikti.