Shymkentte trıatlonnan Azııa kýbogy ótti

ShYMKENT. QazAqparat - Shymkentte «SHYMKENT ASTC TRIATHLON» Azııa kýbogy ótti. Baıraqty básekege Qazaqstan, Ózbekstan, Serbııa, Slovenııa, Avstralııa, Japonııa, Gonkong, Lıýksembýrg, Sırııa, Frantsııa, AQSh pen Ońtústik Koreıadan 55 sportshy qatysty, dep habarlaıdy QazAqparat tilshisi.

Azııa kýbogynyń ashylý saltanatyna qatysqan qala ákimi Ǵabıdolla Ábdirahymov quttyqtaý sóz sóılep, sportshylarǵa sáttilik tiledi. 34 er men 11 áıel ózara myqtyny anyqtaǵan saıysta Azııa kýbogy sarapqa salyndy. Sportshylar 2 saǵatqa jýyq ýaqytta 1500 metr qashyqtyqty júzip ótip, 40 shaqyrymdy velosıpedpen artqa tastady. Oǵan qosa 10 shaqyrym joldy júgirip ótti. Atalǵan synda erlerden alǵashqy bolyp márege serbııalyq Ognjen Stoıanovıch jetip chempıon atandy. Ekinshi oryn otandasymyz Aıan Beısenbaevtyń enshisinde qaldy. Al, avstrııalyq sportshy Lýkas Gstaltner baıraqty dodada úshinshi orynǵa ıe boldy.

Qyzdar da bul synda osal emestigin baıqatty. Márege rýmynııalyq Manak Antonella jetip, jeńis tuǵyrynan kórindi. Al, ekinshi oryn Ońtústikkoreıalyq sportshy ıÝn Djen Chanǵa buıyrdy. Úshinshi bolyp márege syzyǵyn basqan Halyqaralyq trıatlon odaǵynyń sportshysy Arına Shýlgına boldy.

Aıta keteıik, saıysty quramynda 35 el bar Azııa Trıatlon Konfederatsııasy uıymdastyryp otyr. Trıatlon sporty men salaýatty ómir saltyn damytý maqsatynda ótetin Azııa Kýbogyna QR Ulttyq olımpıadalyq komıteti, «Samuryq-Qazyna» ulttyq ál-aýqat qory» AQ, Shymkent qalasynyń trıatlon federatsııasy, Qazaqstan Trıatlon Federatsııasy uıymdastyryp, Shymkent qalasynyń ákimdigi jáne «Shymkent» ÁKK AQ qoldaý kórsetip otyr.

Eske salaıyq, erteń 26 mamyr kúni áýesqoılar arasynda «TEMIRADAM» atty el chempıonaty ótedi dep kútilýde. Oǵan 77 atlet pen 2 komanda qatysýǵa nıet bildirip otyr.