Shymkentte trıatlonnan Azııa kýbogy ótedi

ShYMKENT. QazAqparat - 25-26 mamyr kúnderi Shymkentte trıatlonnan Azııa kýbogy halyqaralyq týrnıri ótedi, dep habarlaıdy QazAqparat Olympic.kz saıtyna silteme jasap.

Shymkent ASTC Triathlon Asian Cup - Azııa aımaqtyq Trıatlon konfederatsııasynyń uıymdastyrýymen ótetin kásibı sportshylar arasyndaǵy qurlyqtyq doda.

25 mamyr kúni kásibı sportshylar úsh kezeńnen turatyn jarysta baq synaıdy. Olar 1500 metrge júzýden, 40 shaqyrymǵa velosıpedpen jarysýdan jáne 10 shaqyrymǵa júgirýden ózara jeńimpazdy anyqtamaq.

Uıymdastyrýshylardyń aıtýynsha, týrnırge 130 atlet qatysatyny kútilýde.