Shymkentte transformator órtenip, 413 tutynýshy jaryqsyz qaldy

ShYMKENT. QazAqparat- Eńbekshi aýdany, Ýalıhanov kóshesinde ornalasqan jalpy kólemi 50 sharshy metrdi quraıtyn RP-11 transformatory tolyǵymen janyp ketti, dep habarlaıdy QazAqparat tilshisi.

Oqıǵa ornyna Tótenshe jaǵdaılar departamentiniń 12 qyzmetkeri men 3 dana tehnıkasy jumyldyryldy.

«Zardap shekkender men qaıtys bolǵandar joq. Órttiń shyǵý sebebi anyqtalýda. Órttiń saldarynan 413 tutynýshy elektr qýatynan ajyratyldy»- delingen Shymkent qalasy TJD qoǵammen baılanys toby taratqan habarlamada.

Aıta keteıik, keshe Shymkentte kúnniń ystyǵynan kóliktiń gaz balony jarylǵan bolatyn. Alty jolaýshy aýrýhanaǵa jetkizilip, alǵashqy kómek kórsetildi.