Shymkentte tótenshe jaǵdaı rejımin buzǵan 300-ge jýyq kásipkerge aıyppul salyndy

ShYMKENT. QazAqparat – Shymkent qalasynda tótenshe jaǵdaı rejımin buzǵany jáne sanıtarlyq talaptardy oryndamaǵany úshin kásipkerler ákimshilik jaýapkershilikk e tartylýda. Qaladaǵy saýda jáne qyzmet kórsetý nysandaryna 287 ákimshilik hattama toltyrylyp, aıyppul salynǵan, dep habarlaıdy QazAqparat tilshisi.

Qalalyq tótenshe jaǵdaı jónindegi shtab málimetinshe, sońǵy 5 kúnniń ózinde Abaı aýdanynda – 144, Eńbekshi aýdanynda – 58, Qarataý aýdanynda – 50 jáne ál-Farabı aýdanynda 35 kásipkerlik nysan jaýapqa tartylǵan. Onyń ishinde saýda ortalyqtary, azyq-túlik dúkenderi, dámhanalar, ásemdik salondary, lombardtar men avtokólikke tehnıkalyq qyzmet kórsetý ortalyqtary bar.

Aıta keteıik, tótenshe jaǵdaı kezinde saýda jáne qyzmet kórsetý nysandarynyń jumys ýaqyty shektelgen. Bul oryndardyń kire berisinde qoldy antıseptıkalyq óńdeıtin quraldar qoıylyp, kelýshilerdiń dene qyzýy kontaktisiz pırometrmen ólshenýi talap etiledi.

Sondaı-aq, qyzmet kórsetýshiler men kelýshiler medıtsınalyq betperde taǵyp júrýge mindetti. Osy talaptardy oryndamaǵan kásipkerler aldaǵy ýaqytta da jaýapqa tartylady.

Atalǵan shtabtyń múshesi Buharbaı Parmanovtyń sózinshe, búgingi tańda megapolıstegi Abaı aýdany aýmaǵynda 12 iri saýda ortalyǵy men áýejaı, «Samal» jáne «Bekjan» sııaqty iri bazarlardyń, mal bazary men avtokólik bazarynyń, 59 toıhana men 31 monshanyń jumysy ýaqytsha toqtatylǵan.

Qalada sondaı-aq, baqylaý sharalary kúsheıtilgen.