Shymkentte tótenshe jaǵdaı rejımin buzǵan 20 adam ákimshilik qamaýǵa alyndy
Departamenttiń baspasóz qyzmetiniń málimetinshe, úshinshi megapolıste búgingi tańda 18 blokbeket jumys isteýde. Atalǵan beketterde jalpy 692 qyzmetker jumyldyrylǵan. Onyń ishinde 230 polıtsııa jáne 216 medıtsına qyzmetkeri, 168 qarýly kúshter jáne 60 ulttyq ulan sarbazdary 3 aýysymda táýlik boıy qyzmet atqarýda.
«Tótenshe jaǵdaı kezeńinde, qoıylǵan shekteýlerdi buzǵany jáne sanıtarlyq talaptardy saqtamaǵany úshin 596 tulǵaǵa Ákimshilik kodeksiniń 476-babymen hattama toltyrylyp, jınaqtaý is-qujattary sheshim qabyldaý úshin sotqa joldandy. 20 tulǵa ákimshilik qamaýǵa alyndy, 4 tulǵaǵa aıyppul salyndy, qalǵan ister qaralý satysynda», - delingen habarlamada.
Eske salsaq, Shymkentte 4 sáýir kúni saǵat 21:00-den bastap karantın rejımi engizilgen. Osynaý rejım aıasynda barlyq mekemelerdiń jumysy ýaqytsha toqtatylyp, turǵyndar men kóliktiń barlyq túrine Shymkent qalasynan shyǵýǵa jáne qalaǵa kirýine tyıym salynǵan. 55 jastan asqan adamdarǵa asa qajettilik týyndamaǵan jaǵdaıda dalaǵa shyǵýǵa bolmaıdy.